Sinjoro Urbestro,
OME
de ĉiuj esperantistoj, kiel prezidanto de la Organiza Komitato
de la renkontiĝo Boulogne2005, mi varme dankas vin pro
via neforgesebla akcepto.
En la salonoj de tiu mirinda konstruaĵo historiplena,
kerne de la malnova urbo ĉirkaŭita de remparoj superstarantaj
la havenon, la geesperantistoj sentas sin akceptitaj, agnoskitaj,
ŝatataj, dank' al vi Sinjoro Urbestro.
La hodiaŭa ceremonio, kiu ĉiujn el ni ĝojigas,
ne povas sola raporti pri la gandega laboro farita, kunlabore
kun la oficoj de la urbodomo, kies responsulon, sinjoro Quéhen,
mi aparte dankas pro lia efikeco kaj ekzemplodona pacienco.
Kiam en 2002 nia bulonja reprezentantino, sinjorino Marie-Jeanne
Liné, kontaktis la oficojn de la urbodomo por prezenti
nian projekton pri Boulogne2005, tuj oni atente kaj favore aŭskultis
ŝin, la urbajn konstruaĵojn ni povis pridisponi kaj
ni ricevis diversajn donacojn, kies kulmino estas la hodiaŭa
donacema akcepto, post la kortuŝa mateno, kiun ni travivis
kune en la teatro, dum la parado, kaj antaŭ la busto de
Zamenhof.
Ni amas Bulonjon, la esperantistoj el la tuta mondo amos Bulonjon,
kiun ili ĉiuj jam konas pro la unua Kongreso de 1905.
Do, dankon al vi, Sinjoro Urbestro, dankon al via Komunuma
Konsilantaro, dankon al viaj oficistoj kaj teknikistoj. Dankon
pro via donacema akcepto.
Vivu Bulonjo ! Vivu Esperanto !
